DİA.AZ: - Ucar rayonu Məlikballı kənd sakini Ağakişiyev Ramil Məhəmməd oğlu tərəfindən ölkə rəhbərliyinə şikayət ünvanlanıb. Bir nüsxəsi də DİA.AZ-a daxil olan müraciətdə deyilir:
""Aqroservis" ASC-nin Yevlax RN-nin direktoru Cabbar Tağıyev vəzifə səlahiyyətlərindən və mənim savadsızlığımdan sui-istifadə edərək mənə nasaz KLASS markalı taxılbiçən kombayını müqavilə ilə sırımışdır.Həmin kombaynı cəmi 1 gün işlədikdən sonra xarab oldu.Mütəxəsis yoxlayan zaman məlum oldu ki, həmin nasazlıq əvvəldən olub.Bununlada bizə məlum oldu ki, Cabbar Tağıyev bizi aldadıb xarab kombaynı bizə vermişdir.Taxıl biçininin qızğın bir vaxtında bizə qarşı edilən bu qanuna zidd hərəkətlər cinayət əməli hesab edilir.
Belə ki, "Aqroservis" ASC-i ilə kənd təsərrüfatı texnikasının operativ lizinqə (istifadəyə) verilməsi barədə 26.04.2021-ci il tarixdə № 02/00857 nömrəli müqavilə bağlayıb CLASS markalı kombaynı lizinq yolu ilə götürmüşük.Həmin vaxt tələb olunan 5000 (beş min) manat pulu ödəmişəm. Kombaynı gətirib bir gün işlətdikdən sonra texnika xarab oldu.Kombayn ustası baxıb bildirdi ki, taxıl əzənin valında əyrilik var ki, təmiri üçün 8000 manat pul tələb olunur.Mənə kombaynı lizinq yolu ilə verən zaman kombaynın tam saz və işlək vəziyyətdə olması bildirildi. Texniki vəziyyət haqqında AKT-1-də Kombaynın tam saz vəziyyətdə olması qeyd edilib. "Aqroservis" ASC ilə aramızda bağlanmış 26.04.2021-ci il tarixli müqavilədə bu öz əksini tapıb.Ancaq taxıl yığan kombaynı təhfil aldıqdan sonra maqazindən 250 manata akumulyator almışıq, ümumilikdə işlək vəziyyətə gətirilməsi üçün 2000 (iki min) manat pul xərcləmişik.Ancaq "Aqroservis" ASC-nin Yevlax RN-nin direktoru Cabbar Tağıyev mənim savadsızlığımızdan və öz vəzifə səlahiyyətlərindən sui-istifadə edib müqavilədə və taxıl yığan kombaynın tam saz vəziyyətdə olmasına dair akta mənə imza etdirib. Taxıl mövsümünün qızğın vaxtında belə bir nasaz texnikanın bizi aldadıb verilməsi dələduzluq cinayətidir ki, bizə qarşı "Aqroservis" ASC-nin Yevlax RN -nin rəhbəri Cabbar Tağıyev edib. Mənim himayəmdə üç azyaşlı uşağım var.Alın təri ilə işləyib qəpi-qəpik yığdığım pulun 5000 manatını lizinqə ödədim, 2500 manat isə kombayna pul xərclədim.Ancaq aldadıb valı əyri olan kombaynı mənə sıranması belimi qırdı. Ailəm aclıq yoxsulluq içində yaşayacaq. İnanıb ümüd etdim ki, dövlət idarəsidir qanunları ali tutub məni aldatmazlar qanunu iş görərlər.Ancaq tam əksinə oldu "Aqroservis" ASC-nin Yevlax RN-nin direktoru Cabbar Tağıyev küçə avaraları, vaqzal qumarbazları kimi dələduzluq edib məni aldatdı. "Aqroservis" ASC-nin Yevlax RN-nin direktoru Cabbar Tağıyevin mənə qarşı etdiyi bu dələduzluq barədə Kənd Təsərrüfatı Naziri cənab İnam Kərimova, "Aqroservis" ASC-nin İdarə Hüyətinin sədri cənab Elmin Rəhmanova şikayət ərizələri teleqramlarla müraciıət etmişəm. Mətbuat vasitəsi ilədə müraciət ünvanlayıb xahiş edirəm şikayətimi təcili yerində bizim iştirakımızla obyektiv araşdırıb mənə qarşı dələduzluq etmiş "Aqroservis" ASC-nin Yevlax RN-nin direktoru Cabbar Tağıyevin barəsində qanunu tədbirlər görəsiniz".
İddia olunanlarla bağlı diaaz.space olaraq bütün maraqlı tərəflərin mövqelərini işıqlandırmağa hazırıq...
