"Fevralın əvvəlində Paşinyanın Trampla görüşünün baş tutması üçün hər şey edilir..."
Dünən, 10:01
"Nikol Paşinyan fevralın 3-7-də ABŞ-a səfər edəcək və burada Beynəlxalq Dini Etiqad Azadlığının illik sammitində və Milli Dua Səhər yeməyində iştirak edəcək. Əldə etdiyimiz məlumata görə, Ermənistan tərəfi Ağ Ev administrasiyasına Paşinyanın ABŞ-a səfəri zamanı yeni seçilmiş prezident Donald Trampla görüşməsi üçü işgüzar görüş istəyib, lakin indiyədək heç bir cavab ala bilməyiblər".
Moderator.az xəbər verir ki, bunu "Hraparak" yazıb.
Nəşrin məlumatına görə, Paşinyanın mətbuat katibi dünən görüşün olub-olmayacağını öyrənmək üçün jurnalistlərin zənglərinə cavab verməyib.
"Buna baxmayaraq, bəzi hökumət dairələri görüşün mütləq Ağ Evdə fevralın 5-də baş tutacağını iddia edir.Qeyd edək ki, Milli Dua səhər yeməyi həmin günə təyin edilib və Paşinyanın Trampın yanında olmağı və hətta şəkil çəkdirməyi bacaracağı istisna edilmir. İndi onun mövqeləri çox kövrək olduğundan kənardan dəstək son dərəcə vacibdir", -deyə Ermənistan nəşri bildirir.
Geri qayıt