Zaur Mikayılovun işçisi MEYDAN SULADI
Dünən, 08:48
Biləsuvar Su Meliorasiya Sistemləri İstismarı İdarəsinin rəisi Ədalət Babayev haqqında bir sıra saytlarda yayılan məlumata münasibət bildirib.
O, Faktinfo.az saytına açıqlamasında bildirib ki, yazılanların heç bir əsası yoxdur. "Birincisi, oğlum Orxan Rəşidli struktur islahatları aparılana qədər rəhbəri olduğum idarədə işləməyib. O, Cənub Muğan Kanalı İstismar İdarəsində müxtəlif işlərdə,o cümlədən qısamüddətli kanal rəisi vəzifəsində çalışıb.Belə ki,bir neçə idarə, o cümlədən Cənub Muğan Kanalı İstismar İdarəsi Biləsuvar Suvarma Sistemləri İdarəsinə birləşdirildi,Orxan 12-ci dərəcədən, 9-cu dərəcəyə endirilməklə,müvafiq ixtisas üzrə köçürmə yolu ilə rəhbərlik etdiyim idarəyə su bölgüsündə mühəndis işinə göndərildi. Bu da mənim istəyimlə olmayıb.
İkincisi də, oğlum hardasa işləməli deyildi ki? 628 bal toplamış, iki universitet bitirmiş şəxs çalışmamalı idi ki, günlərin birində baş verəcək struktur islahatları nəticəsində bölgüdə atasının rəhbərlik etdiyi idarəyə düşə bilər? Bunu da saytlar yazacaq.Bu nə yanaşmadı indi? Orxan neyləsin, Biləsuvar rayonundan gedib, başqa bölgədə işləsin? Məgər ölkəmizdə eyni ailə üzvlərinin bir təşkilatda işləməsinə dair nümunələr yoxdur? İndi də oğlumun işləməsini həzm edə bilmirlərsə, iş yerini dəyişdirsinlər."
İdarə rəisi müavini Elsevər Həsənov haqqında yazılanlara da aydınlıq gətirib.
"Müavinim Elsevər Həsənov çox savadlı, işinə məsuliyyətlə yanaşan şəxsdir. Yüksək bal toplamış, iki universitet bitirmiş gəncdir. Onun haqqında da həqiqətə uyğun olmayan məlumat yazıblar. Yəni qeyd etmək istəyirəm ki, yanacaq, texnikaların təchizatı və hərəkətinə kimi məsələlərin müavinim Elsevər Həsənova heç bir aidiyyatı yoxdur. Vurğulanan məsələlər vəzifə bölgüsü baxımından idarənin baş mühəndisinə aid işlərdi. O da öz vəzifəsi ilə məşğuldur. Həmçinin yazıldığı kimi deyil, mən rəhbər şəxs təyin etmirəm, elə bir səlahiyyətim yoxdur, Elsevər Həsənov da tabe olduğumuz baş idarə tərəfindən müavin kimi idarəyə təyin olunub. Onu bir müddətdən sonra başqa bir idarəyə rəis göndərəcəyimə dair yazılan fikrə gəlincə, qeyd etdiyim kimi bu mənim səlahiyyətim daxilində deyil, yalan xəbərdir.Yeri gəlmişkən, niyə görülən işlərdən, əldə olunan uğurlardan yazmırlar?
Məlumat üçün bildirim ki, struktur islahatlarından sonra Biləsuvar Su Meliorasiya Sistemləri İstismarı İdarəsində 600-ə yaxın işçi çalışır. Məhz onların səyi və bacarığı nəticəsində 2024-cü ildə taxılçılıqda və digər kənd təsərrüfatı məhsullarının yetişdirilməsində ən yüksək məhsuldarlıq əldə edildi. Pambıq tədarükü 36 sentnerə yüksəldi. Bunlar hamısı gərgin əməyin, zəhmətin vəsuvarma suyunun vaxtında sahələrə çatdırılmasının nəticəsi idi. Hazırda da buişlər uğurla davam etdirilir,"-Ədalət Babayev bildirdi.
Qeyd edək ki, bəzi saytlarda Ədalət Babayevin oğlunu mühəndis, qohumu Elsəvər Həsənovu isə özünə müavin təyin etdirməsinə dair xəbər yayılıb. İdarəni Elsəvər Həsənovun idarə etdiyi,bütün işləri əlinə aldığı yaxın gələcəkdə Ədalət Babayevin dəstəyi ilə başqa bir rayona idarə rəisi təyin ediləcəyi iddia edilib.
Geri qayıt