İrəvan hərəkətə keçdi, Babayan qəzəbləndi
Bu gün, 06:24
“Hazırda Ermənistanın Avropa İttifaqına (Aİ) üzvlük prosesinin başladıldığı elan edilib. Necə? Bizi Aİ-yə dəvət edən heç kim yoxdur”.
Globalinfo.az xəbər verir ki, bunu Ermənistanın İslahatçılar Partiyasının sədri Vahan Babayan deyib.
O, İrəvanı heç kimin ittifaqa dəvət etmədiyi, hökumətin boşuna hərəkətə keçdiyini bildirib:
“Bizi Aİ-yə dəvət edən heç olmasa bir xarici ölkə liderinin adını çəkin. Yaxud yaşadığımız müharibələr zamanı Ermənistanı müdafiəyə hazır olduğunu rəsmi şəkildə elan edən hər hansı NATO üzvü olan ölkə varmı? Düşünün ki, dövlətlər yeni tikilmiş dəbdəbəli bir binada yaşayırlar. Bizi heç qonaq da çağırmırlar. Amma biz deyirik ki, öz mənzilimizdən imtina edib onlarla yaşamağa hazır olduğumuzu bildiririk. Heç hara yerləşəcəyini də bilmirsən. Hazırda düşdüyümüz vəziyyət məhz budur”.
Qeyd edək ki, Ermənistanın Baş naziri Nikol Paşinyan ölkənin Avropa İttifaqına üzvlüyü üçün rəsmi prosesin başladıldığını elan edib.
Geri qayıt