Xanım Qafarovanın anası dünyasını dəyişib
Dünən, 11:47
Mərhum aktrisa, əməkdar artist Xanım Qafarovanın anası Gövhər Qafarova dünyasını dəyişib.
Bu haqda məlumatı sənətçinin qızı Moderator.az-a verib:
"Nənəm uzun müddətdir xəstə idi. Yataq şəraitində evdə müalicə alırdı. Yaşı ilə əlaqədar olaraq xəstəlikləri bir-birinə qarışmışdı. Bir neçə gündür ki, yeməkdən, sudan da kəsilmişdi. May ayının 6-da səhər saatlarında rəhmətə getdi. Kürdəxanı kəndində, anamın məzarının yanında dəfn etdik. Çox ağırdır. Anamdan sonra ikinci zərbəni aldım. Anamın nəfəsini xalamdan və nənəmdən alırdım. Anam nənəmi o qədər çox istəyirdi ki, mənə də onun adını qoymuşdu. İndi o biri dünyada bir-birinə qovuşublar.. Hər ikisinin ruhu şad olsun" deyə sənətkarın qızı bildirib.
Qeyd edək ki, Xanım Qafarova 2014-cü il, 11 iyulda 47 yaşında xərçəng xəstəliyindən dünyasını dəyişib.
Geri qayıt