Ermənistan parlamentinin komitə sədrindən
20-03-2025, 17:12
Azərbaycan Milli Məclisinin Beynəlxalq Münasibətlər və Parlamentlərarası Əlaqələr Komitəsinin sədri Səməd Seyidova bu qurumların iclasının keçirilməsini təklif etmişəm.
Teleqraf xəbər verir ki, bunu Ermənistan parlamentinin Xarici Əlaqələr Daimi Komitəsinin sədri Sərkis Xandanyan deyib.
“Ermənistan Milli Assambleyasının Xarici Əlaqələr Komitəsinin sədri kimi həmkarım, Azərbaycan Milli Məclisinin Beynəlxalq Münasibətlər və Parlamentlərarası Əlaqələr Komitəsinin sədri Səməd Seyidova rəhbərlik etdiyimiz komitələrin birgə iclasının keçirilməsini təklif etmişəm. Ümid edirəm ki, görüşün tarixi, yeri və digər zəruri detalları razılaşdıra biləcəyik. İlk görüş yeri kimi Ermənistan-Azərbaycan sərhədində neytral məkanı nəzərdən keçirə bilərik”, - komitə sədri qeyd edib.
Xandanyan bildirib ki, o, azərbaycanlı həmkarı ilə sülh sazişi layihəsini və sülhün bərqərar olmasından sonra parlamentlərarası əlaqələri müzakirə etmək istəyir.
Geri qayıt