Ermənistanın ABŞ-dəki səfiri Pentaqonda strateji tərəfdaşlıq məsələlərini müzakirə edib
Dünən, 13:03
Pentaqonda Ermənistanın ABŞ-dəki səfiri Lilit Makuntsla keçirilən görüşdə İrəvan və Vaşinqton arasında strateji tərəfdaşlıq məsələləri müzakirə olunub.
"Report" Ermənistan KİV-ə istinadən xəbər verir ki, bu barədə səfir "X" sosial şəbəkəsində yazıb.
"Biz Ermənistan və ABŞ arasında strateji tərəfdaşlıq və Cənubi Qafqazda sülh prosesini müzakirə etdik. Ermənistan ABŞ Müdafiə Nazirliyi ilə əməkdaşlığı yüksək qiymətləndirir və tərəfdaşlığımızın davam edəcəyinə ümid edir", - o yazıb.
Qeyd edək ki, yanvarın 14-də Vaşinqtonda Ermənistanın xarici işlər naziri Ararat Mirzoyan və o dövrdə ABŞ-nin dövlət katibi olan Entoni Blinken iki ölkə arasında strateji tərəfdaşlıq haqqında xartiya imzalayıblar.
Geri qayıt