“Komedixana”dan həkimləri parodiya: əməliyyat otağında ad günü partisi və rəqqasə
Bu gün, 01:37
“German Hospital”ın mama-ginekoloqu Ləman Əliyevanın əməliyyat zamanı iş yoldaşları ilə birlikdə doğum gününü qeyd etməsi artıq sənət dünyasına da "ilham" qaynağı olmaqdadır.
Musavat.com xəbər verir ki,“Komedixana” verilişi 18 yanvar tarixli buraxılışını bu mövzuya həsr edərək, vəziyyətə münasibəti kəskin satira vasitəsilə ictimaiyyətə təqdim edib. Verilişdə əməliyyat otağında baş verən bu anormal proses parodiya olunub və tibbi qaydalara zidd davranışlar maraqlı səhnəciklərlə canlandırılıb.
“Komedixana”nın hazırladığı səhnəcik böyük maraqla qarşılanıb. Verilişin anons hissəsini təqdim edirik. Parodiyanın tam versiyası isə "Komedixana"nın YouTube kanalında yayımlanıb və izləyicilər tərəfindən böyük izlənmə sayı qazanıb.
Xatırladırıq ki, peşə etikası və tibbi qaydaların kobud şəkildə pozulmasına görə Ləman Əliyeva işdən qovulub. Bu səhnəciyə baxıb, özünü bir də kənardan izləsə, yəqin ki, cəza tədbirini təqdir edəcək.
Geri qayıt