Ermənistanlı futbolçu Henrix Mxitaryanı "dilə gətirən" nədir?
Dünən, 17:08
Ermənistanın futbol üzrə yığma komandasının keçmiş oyunçusu Henrix Mxitaryan Bakıda başlanan məhkəmə prosesi ilə bağlı özünün "Instagram" hesabında paylaşım edib. O, "Ruben Vardanyana, siyasi məhbuslara azadlıq!" deyə yazıb.
Xatırladaq ki, Azərbaycana qarşı ağır cinayətlərdə ittiham olunan keçmiş Rusiya vətəndaşı, hazırda Ermənistan vətəndaşı, "özünü buraxmış" qondarma "Dağlıq Qarabağ Respublikası"nın "dövlət naziri" Ruben Vardanyanın, eləcə də, başqa təqsirləndirilən şəxslərin Bakıda bu gün məhkəmə prosesi başlayır.
Hazırda İtaliyanın Milan şəhərinin "Inter" komandasında yarımmüdafəçi kimi çıxış edən Henrix Mxitaryanın bu şəxsləri müdafiə etməsinə, azadlıq tələb etməsinə gəlincə, bu da səbəbsiz deyil. Təqsirləndirilən şəxslər zamanında Şuşada Mxitaryana böyük bir malikanə hədiyyə etmişdilər.
Yazıdakı fotoları Bizimyol.info saytının əməkdaşı 2023-cü ildə Henrix Mxitaryanın Şuşadakı malikanəsində və Azərbaycanlı əsirlərin saxlandığı Şuşa həbsxanasında çəkib. Mxitaryanın niyə canfəşanlıq etdiyi burdan aydın olur.
Geri qayıt