Bəxtiyar Mikayılova
Dünən, 12:48
Bakıda bir neçə avtomobildən oğurluq etməkdə və narkotik vasitələrin qanunsuz dövriyyəsində təqsirləndirilən Bəxtiyar Mikayılova hökm oxunub.
Lent.az-ın verdiyi məlumata görə, bu barədə hökm Bakı Ağır Cinayətlər Məhkəməsinin hakimi Cavid Hüseynovun sədrliyi ilə keçirilən prosesdə elan edilib.
Hökmə əsasən, Bəxtiyar Mikayılov 5 il 5 ay 26 gün müddətinə azadlıqdan məhrum edilib.
Xatırladaq ki, dövlət ittihamçısı Vüsal Mehrəliyev məhkəməyə təqsirləndirilən şəxsin 7 il 6 ay müddətinə azadlıqdan məhrum edilməsini təklif edib.
Qeyd edək ki, ötən ilin fevralında Qaradağ rayonunun Lökbatan qəsəbəsində avtomobillərdən oğurluq edilib. Hacıqabul rayon sakini Bəxtiyar Mikayılov adıçəkilən qəsəbə ərazisində olan “Ford” və “Mercedes” markalı 3 avtomobildən və bir nəfərdən ümumilikdə 4 ədəd mobil telefon oğurlamaqda şübhəli bilinərək saxlanılıb.
Ona qarşı Cinayət Məcəlləsinin 177.1-ci (oğurluq) və 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri külli miqdarda əldə etmə, saxlama, hazırlama, emal etmə, daşıma) maddələri ilə ittiham irəli sürülüb.
Geri qayıt