Əmlak bazarında durğunluq hökm sürür
Bu gün, 13:04
"Əmlak bazarında alqı-satqı prosesində durğunluq hökm sürür".
Bunu Qaynarinfo-ya açıqlamasında əmlak eksperti Elnur Azadov deyib.
Onun sözlərinə görə, bunun səbəbi ipoteka kreditlərinin verilməsinin azalmasıdır:
"Dekabr ayının 2-ci yarısından ipoteka kreditlərinin verilməsi kəskin azalıb. Yəni, banklar büdcəni istifadə ediblər. Ötən il dekabr ayında artıq ipotekaların verilməsi dayandı, yanvar-fevral ayında durğunluq baş verdi. Bunun nəticəsində ölkədə qiymət artımı demək olar ki, dayandı. Fevral-mart ayında nisbətən aktivlik artdı. Amma bunun da ümum bazara təsiri olmadı".
Ekspert hazırda bazarda yanvar ayı ilə bağlı fikir bildirməkdə çətinlik çəkdiyini qeyd edib:
"Düşünülür ki, fevral ayının ikinci yarısından ipotekaların verilməsinə başlanıldıqdan sonra bazarda aktivlik yarana bilər. Bu, sırf ipotekayönlü əmlaklara aiddir".
Geri qayıt