Türkiyədə məşhur iş adamı Tayfun Dəmirörən saxlanılaraq haqqında həbs qətimkan tədbiri seçilib.
Mövzu ilə bağlı dəqiq bir məlumat olmasa da, Demirören İnvestisiya Holdinqindən onun həbsi ilə bağlı açıqlama verilib.
"İdarə heyətinin üzvü Tayfun Dəmirören öz şəxsi "Mikare Real Estate" şirkətində ticarət fəaliyyəti ilə bağlı bir məsələ ilə bağlı həbs olundu. O, həmçinin bu şirkətlə bağlı bütün sərmayələrə və borclara cavabdehdir", - açıqlamada bildirilir.
Açıqlamada Demirören Yatırım Holdinqin sözügedən kommersiya fəaliyyəti ilə heç bir əlaqəsi və ya borcu olmadığı bildirilir.
"3 yanvar 2024-cü ildə dərc etdiyimiz press-relizdə Tayfun Dəmirörənə məxsus şirkət ilə Demirören İnvestisiya Holdinq arasında heç bir əlaqənin olmadığı da ictimaiyyətin diqqətinə çatdırılıb.", - açıqlamada deyilir. /lent.az
"DİA-AZ" xatırladır ki, 2021-ci ildən etibarən Azərbaycanda rəsmi qumar şəbəkəsi hesab olunan “Azərlotereya” ASC-nin məhz Türkiyənin “Demirören Holding” şirkətinə idarəetməyə verilməsinə dair müqavilə imzalanıb.
İndi isə sözügedən holdinqin əsas adamlarından biri Türkiyədə həbs olunur. Bu həbsin “Demirören Holding”in Azərbaycandakı işinə təsir edib-etməyəcəyini isə zamanla görəcəyik.
