“QISA QAPANMA” BƏHANƏDİR, YOXSA?
Düz 1 il tamam oldu. 2 oğlumun gözümün qabağında yanaraq külə dönməsindən düz 1 il keçir. Düşmənimə belə arzulamazdım bu ağrını çəksin. Nələr çəkdiyimi, hansı açılar keçirtdiyimi istəsəm belə, izah edə, yazıb Sizlərə çatdıra bilməyəcəm.
Dostlar, həmkarlar sağ olsun. Mənəvi dəstək olmağa çəhd etdilər. Bilmirəm bacardılar, ya yox, amma mən hələ də sağam. Ürəyim partlamadı, dayanmadı. Ama bir atanın belə bir hadisəyə dözməsi inanılmazdır.
Hazırda doğulub böyüdüyüm və 2 övladımın uyuduğu torpaqda, Yardımlıdayam. 1 ilin tamamı üçün gəldim bura.
Araşdırdılar. Hüquq mühafizə orqanları işlə bağlı cinayət işi açdılar. Düz bir ay bundan qabaq bildirdilər ki, hadisə qısa qapanmadan baş verib. Bu da son nəticə.
Amma məni bu suallar hələdə narahat edir:
1) Yerdən 20 santimetr hüdrürlüyündə olan evdən 10-11 yaşlı uşaqlar niyə çıxa bilməsin?
2) Evə girən qapı bağlanmadığı halda o iki uşaq niyə çıxa bilməsin?
3) Evdən ayrıldığım 20 dəqiqə ərzində uşaqlar niyə yanaraq külə dönsün? Axı 20 dəqiqə ərzində insan küləmi dönər?
4) Uşaqların hər ikisi evdən çölə cıxan pəncərələrdən gün ərzində 20-30 dəfə çölə çıxdığı halda niyə yanğın zamanı cölə cıxa bilməsinlər?
5) İstintaq zamanı mənim göstərdiyim insanların niyə hamısı dindirilmədi?
Vasif TURAN – “Bolgexeber” portalının rəhbəri
